شاهد تمارين يمكنكم تنفيذها فى البيت بسهوله وامان (تمارين منزلية)

من التمارين اللى ممكن اى حد يعملها ف البيت سواء واحد او واحدة فى حالة مفيش نزول الجيم او اى نادى رياضى 

نط الحبل : 

 
نط الحبل من التمارين القوية و الجميلة و اللى بتحسس اللى بيعملها بالقوة و الرشاقة اللى فيه او بيكتسبها منه بعد مرور وقت ,, تعتبر رياضة نط الحبل من الرياضات اللى بتكسب صاحبها قوة ف الجزء السفلى من الجسم بداية من اسفل البطن و الضهر الى المفاصل و الأعصاب ف الرجل و كمان زائد على انها بتساعد على تحسين مهام الجهاز التنفسى و عضلة القلب .. يستحسن الأبتعاد عن الرياضة ديه لمن يعانى الام مفاصل و الركبة و من يعانى من البدانة او لو فيه مشاكل فى عضلة القلب عموماً و الحالة الأخيرة قد تمارسها بأذن من الطبيب المختص بالحالة

لازم مراعاه طول الحبل نفسه
طب اذاى اعرف ان الحبل مناسب ؟!

الحبل مناسب انك تدوس على وسط المسافة بين الممسكتين و تطلع الحبل لغاية أبطك "قبل كتفك على طول" لو مظبوط يبقا تمام الحبل لو أقل او زيادة هيتعبك ف الحركة

نط الحبل ك رياضة لازم قبلها فيه تسخين و التسخين ف نط الحبل هو عبارة عن اطالات للرجل و الجسم عموماً مع اداء حركات وهمية للحركة نفسها ,, يعنى تنط حبل تجرب ع الهوا بأيدك كأنك ماسكه و تنط لمدة تجريبية لا تزيد عن 10 ثوان
نط الحبل يكون على فترات افضل من 15 ل 20 دقيقة و هتحرق سعرات حرارية كتير جداً فيه تعادل نصف ساعة كرة قدم او 45 دقيقة سباحة
لأنه مقاومة جاذبية مش مقاومة مادية زى الماية زائد انه بيحرك كامل عضلات الرجل بعكس السباحة الأعتماد ع السمانة قليل
مينفعش انك تنط حبل و جسمك متنى او راسك لتحت لازم جسمك مستقيم